Ubuntu අයිසිං කිරීම (5කොටස)-Emerald

අයිසිං කිරීම ඉවරයි කියල මං කලින් කිව්වට ඉවරම නෑ. තව තියනවා. :D මේක ලස්සනම එකක් වෙලත් මට කොහොම අමතක උනාද කියල හිතා ගන්න බෑ. කොහොම හරි දැන් මතක් උනානේ ඔන්න ලියනවා.

Emerald කියන්නෙ කවුළු අලංකාර කරනයක්(window decorator). මෙම Emerald theme manager එක මගින් ඔබට emerald themes install කරන්න edit කරන්න සහ emerald theme අතර මාරු වීමට අවස්ථාව ලබා දෙනවා.

Window decorator එකක් විදිහට emerald කරන්නෙ ඔබේ window border වල පෙනුම පාලනය කිරීම. Window එකක අනෙක් අයිතමයන් වෙන button, scroll bars වැනි දේවල් වෙනස් කිරීමට desktop environment එකේ settings වලට යන්න ඕන.

• Emerald ස්ථාපනය කිරීම.

terminal එක ගෙන පහත විධානය ඇතුලත් කරන්න(ඔබේ repository indexes update කර තිබිය යුතුයි)

$ sudo apt-get install emerald

ඊළඟට emerld, CompizConfig Settings Manager වල plug in එකක් විහිදට active කිරීමට. CCSM වලට ගිහින් එකේ Window decoration කොටසට ගිහිල්ලා එතන තියන command කියන text box එකට "emerald --replace" කියල ඇතුලත් කරන්න.

මේක ක්‍රියාත්මක කරන්න නම් පරිගනකය නැවත පණගන්වන්න වෙනවා. ඒ session එකට විතරක් ක්‍රියාත්මක කරන්න නම් Run එකේ emerald --replace ඇතුලක් කරලා පුළුවන්.

• Themes install කිරීම.

System--> Preferences --> Emerald Theme Manager වෙත යන්න.

මේකට කැමති themes www.gnome-look.org වලින් බාගන්න පුළුවන්. (Mac OS වගේ Vista වගේ හදපු ඕනෑ තරම් themes මෙතන තියනවා) ඊට පස්සෙ theme manager එකේ import බොත්තම click කරලා theme එක අරගෙන. ඒ අවශ්‍ය theme එක උඩ double click කරලා ක්‍රියාත්මක කරගන්න පුළුවනි. =D>

Mac OS theme එකක් :)

Ubuntu අයිසිං කිරීම(4 කොටස)-Cairo Dock

මේ ලියන්නෙ Ubuntu අයිසිං කිරීම ලිපි පෙලේ අවසාන ලිපිය. Cairo Dock කියෙන්නෙ ඩෙස්ක්ටොප් එක සඳහා නිර්මාණය කරපු animated application launch bar එකක්. මේක නිර්මාණය කරල තියෙන්නෙ Mac OS X වලින් ගත්තු අදහසකින්. අපි නිතර පාවිච්චි කරන මෘදුකාංග යොමු(shortcuts) සහ තවත් කුඩා applets රඳවා තබා ගන්න පුළුවන් bar එකක්. මේක සාමාන්‍ය task bar එකකට වැඩිය ගොඩක් අලංකාරයි. ඒ වගේම cairo dock එකේ ඇති icons අසලට මව්සය ගෙනයන විට හා ඒ මත click කල විට විවිධ ඇනිමේට් වීම් ද දකින්න පුළුවන්. මෙය gnome, kde හා xfc යන desktop environment වල ක්‍රියාත්මක වෙනවා.

මෙහෙමයි install කරගන්නෙ.

terminal එකේ පහත පරිදි ඇතුලත් කරන්න.

Cairo dock repository එක ඔබේ source list එකට ඇතුලත් කිරීමට
gksudo gedit /etc/apt/sources.list

විවෘත වන file එකේ අගට සුදුසු repository එක add කරන්න.
deb http://repository.cairo-dock.org/ubuntu jaunty cairo-dock # For Ubuntu 9.04
deb http://repository.cairo-dock.org/ubuntu intrepid cairo-dock # For Ubuntu 8.10
deb http://repository.cairo-dock.org/ubuntu hardy cairo-dock # For ubuntu 8.04

repository එක නිශ්චය කරගැනීමේ signed GPG key එක සඳහා
wget -q http://repository.cairo-dock.org/cairo-dock.gpg -O- | sudo apt-key add -

දැන් cairo dock ඇතුලත් කිරීම සඳහා පහත command දෙක පිළිවෙලින් ඇතුලත් කරන්න
sudo apt-get update
sudo apt-get install cairo-dock cairo-dock-plug-ins

මෙහෙයුම් පද්ධතිය ආරම්භ වන විට cairo dock launch කර ගැනීමට System --> Preperenses --> Startup applications වලට cairo dock ලෙස command එක ඇතුලත් කරන්න.(manually ක්‍රියාත්මක කිරීමට run හි cairo-dock ලෙස ඇතුලත් කරන්න)මෙහි dock එක සඳහා විවිධ themes විශාල ප්‍රමාණයක් ඇතුලත් අතර කැමති theme එකක් යෙදීමට dock එකේ right click කර manage themes වලින් අවශ්‍ය theme එක select කරන්න.

ඔන්න මගේ desktop එකේ තිර පිටපත් කීපයකුතු දැම්මා. බලන්න ලස්සනද කියලා.

මේවත් බලන්න

• Ubuntu අයිසිං කිරීම(1 කොටස)
• Ubuntu අයිසිං කිරීම(2 කොටස)-Compiz Fusion
• Ubuntu අයිසිං කිරීම(3 කොටස)-Screenlets
  

Ubuntu අයිසිං කිරීම (3කොටස)-Screenlets

මේක නම් මාත් ලගක් වෙනකම්ම දැනගෙන හිටපු නැති මෘදුකාංගයක්. මට මේ ගැන කිව්වෙ පහන් අයියා. පස්සෙ පහන් අයිය මට කිව්ව මගේ Ubuntu අයිසිං කිරීම ලිපි පෙළ යටත් මේක ලියන්න එයාට වෙලාවක් නෑ කියල. මේන් එහෙනම් ලිව්ව.

මේක අපිට ඩෙස්ක්ටොප් එකේ පැත්තකින් දාන්න පුළුවන් ඔරලෝසු,දින දර්ශන,CPU meter වගේ අඩංගු මෘදුකාංගක්(widget framework).නම Screenlets. අර Vista වල ඔරලෝසුව එහෙම තියන එක වගේ කිව්වනම් තේරේවි. හැබැයි මේක දැම්ම කියල Vista වල වගේ load වෙන්න වරුවක් යන්නෙ නෑ. මේකෙ අඩංගු වෙන්නෙ සරල කුඩා applications. ඒ වගේම ලස්සනයි.

මෙහෙමයි ස්ථාපනය කරගන්නෙ. පහත ක්‍රම 3න් ඕනෑම එකකින් මේක ස්ථාපනය කරගන්න පුළුවන්.

1.Application--->Add/Remove applications ගිහිල්ල screenlets කියල search කරල screenlets අයිතමය ඉස්සරහින් tick එකක් දාල apply click කරන්න.

2.terminal එක අරගෙන මෙහෙම type කරන්න.
sudo apt-get install screenlets

3.System--->Administration-->Synaptic Package Manager ගිහිල්ල screenlets කියල search කරල screenlets අයිතමය ඉස්සරහින් tick එකක් දාල apply click කරන්න

දැන් Application--->Accessories-->Screenlets විදිහට Screenlets Manager එක ගන්න පුළුවන්. මේකෙ විශාල Screenlets ප්‍රමාණයක් දැකගන්න පුළුවන්.

Desktop එකට දාන්න ඕන Screenlets තෝරල Launch/Add click කරන්න නැත්නම් අදාල Screenlets උඩ doulble click කරල කරන්න. සාමාන්‍යයෙන් එතකොට ඒ Screenlets එක screen එකේ වම් පැත්තෙ ඉහලින් තමයි එන්නෙ. මේක Desktop එකේ ඔබට කැමති තැනකට ඇදල දාන්න පුළුවන්. අවශ්‍ය තැනට ගෙනිච්චට පස්සෙ ඒ Screenlets එක උඩ right click කරල lock option එක තේරීමෙන් ඒක එතන ස්ථාවරව රඳවල තියන්න පුළුවන්. තව Screenlets එක window වලට උඩිත් තියනවද යටින් තියනවද කියන එකත් තෝරන්න පුළුවන්. අනිවාර්යෙන්ම කරන්න ඕන දෙයක් තියනව. Screenlets manager එකේ දැන් ඇතුලත් කරපු Screenlets එක තෝරල Auto start at login කියන තැන tick එක යොදන්න ඕන නැත්නම් ඊලඟ පාර පරිගනකය on කලාම කලින් පාර දාපු Screenlets තියන එකක් නෑ. ඕනනම් තවත් Screenlets බාගත කරල ඇතුලත් කරන්න පුළුවන්. ඉතින් තම තමුන්ගෙ කැමැත්ත අනුව Screenlets දාගෙන ඔබේ Ubuntu මූලික තිරය ලස්සන කරගැනීම ඔබට බාරයි.මේ මගේ මූලික තිරයෙ තිරපිටපතක්.

Ubuntu අයිසිං කිරීම (2 කොටස)-Compiz Fusion

මොකද්ද මේ Compiz Fusion කියන්නෙ. Compiz Fusion කියන්නෙ Compiz කියන composite window manager එකෙත් Beryl නම් ව්‍යාපෘතියේත් එකතුවක්. මේකෙන් කරන්නෙ පරිශීලකයාම භාවිතා කිරීමට පහසු විනෝදාත්මක කවුළුමය වටපිටාවක්(windowing environment) නිර්මාණය කරන එක. තවත් මේක ගැන කියනවනම් මේක open source ව්‍යාපෘතියක්. ඒ නිසා ඔබටත් මෙහි දියුණුවට දායකත්වය දැක්විය හැකියි.තවත් කිව යුත්තක් නම් Compiz Fusion යනු Compiz නොවේ. නමුත් Compiz Fusion හි හරය Compiz ය. Compiz වලට තවත් functionalities,pugins,tools සහ libries එක් කරයි Compiz Fusion නිර්මාණය කර තිබෙන්නේ. මෙහි ඇති විශේෂත්වයක් නම් අවම hardware අවශ්‍යතාවන්ගෙන් ඉතා විශිෂ්ඨ ත්‍රිමාන පරිසරයකි නිර්මාණය කිරීමයි. සාමාන්‍යයෙන් 64MB වීඩියෝ මතකයකත් මෙම මෘදුකාංගය සාර්ථකව ක්‍රියාත්මක වෙනවා.

Compiz Fusion install කර ගැනීම

මුලින්ම ඔබේ පරිගනකයේ graphic drivers ඇතුලත් කර ක්‍රියාත්මකව ඇත්දැයි බලන්න.

1.Applications-->Add/Remove Applications වලට යන්න.
2.Compiz යනුවෙන් සඳහන් කර search කරන්න.
3.ලැබෙන ප්‍රතිපල වලින් Advanced Desktop Effects Settings (ccsm) හා Compiz Fusion Icon ඉදිරියේ tick mark එක දමා Apply Changes Click කරන්න.

නැත්නම්

1.System-->Administration-->Synaptic Package Manager වෙත යන්න.
2.Compiz යනුවෙන් සඳහන් කර search කරන්න.
3.Compiz යන්න ඉදිරියෙන් tick කර Apply කරන්න.

දැන් Compiz Fusion ඔබේ පරිගනකයේ ස්ථාපිත වේවි. ඔබට System-->perparances-->Advanced Desktop Effect Settings වලට ගොස් ඔබට අවශ්‍ය plugins active කිරීම කල හැකියි.

Compiz Fusion plugins
ඉහත කවුළුවට ගිය විට ඔබට plugin විශාල ප්‍රමානයක් දැකිය හැකියි. මේ එයින් ප්‍රසිද්ධ කීපයක් ගැන විස්තර.

1. Desktop Cube
Ubuntu හි ඔබට workspaces කිහිපයක් පවත්වාගෙන යාමය හැකියි. මෙය Desktop කිහිපයක් තබා ගැනීමට සමානයි.එක් Desktop එකක අවශ්‍ය සියළුම windows තබාගෙන වැඩ කිරීම වෙනුවට ඒවා workspaces කිහිපයක් තබාගෙන පහසුවෙන් වැඩ කල හැකියි. gnome desktop එකේ දකුණුපස පහල(හො ඉහල) ඔබේ දැනට ඇති workspaces සංඛ්‍යාව පෙන්වන අතර right click කර preferences යාමෙන් workspaces ප්‍රමාණය වෙනස් කල හැකියි. මෙම desktop cube මගින් ඔබට එම workspaces cube එකක හතර පැත්ත ලෙස පෙන්වනවා.cube rotation නම් අයිතමයත් ක්‍රියාතමක කල විට මේ cube එක කරකැවිය හැකියි.(උඩ සහ යට හැර අනෙක් හතර පැත්ත).මේ සඳහා අවම workspaces 4ක් වත් අවශ්‍යයි. මේය සාමාන්‍යයෙන් Ctrl+Alt+LMB කර drag කිරීමෙයන් ලබාගත හැකියි. ඔබ drag කරන දිශාව අනුව cube එක බ්‍රමණය වේවි. මෙහි අලංකාරත්වය වන්නේ එක් workspace එකක වීඩියෝ එකක play වන අවස්ථාවක වුවද cube එක බ්‍රමණය වන අතර තුරදීද එම වීඩියෝ දර්ශනය play වීමයි. තවද cube reflection නම් අයිතමය ක්‍රියාත්මක කල විට cube එක mirror එකක් උඩ බ්‍රමණය වන ලෙස පෙනේවි.

2.Ring Switcher
මෙය තවත් ඉතා අලංකාර plugin එකක්.මෙයින් ඔබේ විවෘත කර ඇති කවුළු(එම workspace එක තුල) මුදුවක හැඩයට මාරු කිරීමේ හැකියාව ලබා දෙනවා. මෙය ක්‍රියාත්මක කර Windows key+Tab press කල විට දැනට විවෘත කර ඇති කවුළු මුදුවක හැඩයට පෙන්වන අතර (Windows key එක ඔබාගෙන සිටිය යුතුයි) Tab එක එබීමේදී එම කවුළු දක්ෂිණාවර්තව බ්‍රමණය වනවා. නැවත Windows key එක අතහරින විට පහලම තිබුනු කවුළුව ඉදිරියට ගෙන දක්වනවා. Shift Switcher
ද මේ ආසන්නම හැසිරීමක් දක්වන අතර එහිදී කවුළු තිරස් තලයක බ්‍රමණය කර පෙන්වනවා.

3.Aimations සහ Mininize Effects
ඔබ කවුළුවක් විවෘත කරන විට හෝ වසාදමන විට හෝ minimize කරන විට මොකද වෙන්නෙ. ඒක නිකම්ම වැහිල යනවද? ඒකට අලංකාර effect එකක් එක් කර ගැනීමට කැමතිද? මේම plugins දෙක මගින් එම කාර්ය කර ගත හැකියි.මුලින් Animations නම් plugin එක මුලින් activate කරන්න. ඊළඟට Minimize Effect active කර එය තුලට යන්න. එවිට Close Animation ,Open Animation, Minimize Animation ලෙස tabs දැකගත හැකියි. ඔබට කවුළුවක් වසන විට effect එකක් යෙදීමට උවමනා යයි සිතමු. Close Animation ටැබයට යන්න.එහි Animation Selection යටතේ විවිධ කවුළු වලට(Normal,Menu,tooltip ලෙස) යොදා ඇති effect පෙන්වනවා. සාමාන්‍ය කවුළු වලට effect එකක් දැමීමට නම්. එම පේල්ය තෝරා එතනම ඇති button වලින් edit තෝරා ලැබෙන කවුළුවේ ඇති close effect නම් drop down list එකෙන් ඔබට අවශ්‍ය effect එක තෝරන්න. උදාහරණයක් ලෙස ඔබ burn effect එක තේරුවා යයි සිතමු. ඔබ සාමාන්‍ය කවුළුවක් close කල විට එය ගින්නෙන් දැවී යන ආකාරයක් පෙන්වාවි. මේ අකාරයෙන් අනෙකුත් ඒවා සඳහාද වවිධ effect යෙදිය හැකියි.(ලාම්පුවෙන් මතුවන ලෙස. දියවී යන ලෙස)

3.Water effect
මෙය ඇක්ටිව් කර Shift+F9 එබීමෙන් තිරය මතට වර්ශාවක් පතිත වන ආකාරයේ effect එකක් දැකිය හැකියි.

4.Paint Fire On the Screen
මෙය ඇක්ටිව් කර key stroke එකක් යෙදීමෙන් පසු එම keys ඔබාගෙන මවුස් drag කිරීම මගින් තිරය මත ගින්නෙන් පින්තාරු කල හැකියි.

5.Window Preview
එකම වෙලාවේ විවෘත කර ඇති window වල කුඩා thumbernil view එකක් taskbar එකේ එම කවුළුව උඩට මවුසට ගෙන යාමෙන් ලබා ගත හැකියි.

මෙවැනි plugins විශාල ප්‍රමාණයක් Compiz Fusion හි අඩංගු අතර ඒ සියල්ලම විසිතර කිරීම ප්‍රායෝගික නැත(දැන් මට පට්ට මහන්සිය. ටයිප් කර ඇඟිලි ද රිදේ). Compiz Fusion ස්ථාපිත කරගෙන ප්‍රායෝගිකව භාවිතා කිරීමෙන් මෙහි ඇති තවත් විශාල effect සංඛ්‍යාවක් භාවිතා කරන අන්දම ඉගනගත හැක.

ඊළඟ කොටසින් emerald ගැන බලාපොරොත්තු වන්න.

Ubuntu අයිසිං කිරීම (1 කොටස)

අපේ ඉන්ද්‍රනාම සහෝදරයා ඇතුළු කීප දෙනෙකුගේ ඉල්ලීම උඩ Ubuntu අලංකරණය කර ගැනීම පිළිබඳව ලියන්න හිතුවා.ගොඩක් අය කියන දෙයක් තමයි Ubuntu environment එක ලස්සන නෑ. ඒ නිසා පාවිච්චි කරන්න හිතෙන්නෙ නෑ කියන එක. බාහිර ලස්සන උඩ මොනම දේක වත් වටිනාකම තක්සේරු කිරීම හොඳ දෙයක් නම් නෙමෙයි. ඒත් නිතර දකින තැන ලස්සනට තියෙන්නත් එපැයි.Ubuntu defalt එන විදිහට එච්චර ලස්සන නැති වුනාට ඒකට effect එකතු කරලා ගත්තාම වින්ඩෝස් විස්ටාට තියා 7 වලට වත් අහලකට එන්න බෑ.මේක මම කොටස් කිහිපයකටයි ලියන්නේ.මේ ඒ පළවෙනි කොටස.

Ubuntu වලට අමතර මෘදුකාංග ස්ථාපනය නොකර ක්‍රියාත්මක කරගන්න පුළුවන් effect කීපයක් තියනවා. මේවා ක්‍රියාත්මක කරන්න නම් ටිකක් වැඩි වීඩියෝ මතකයක් අවශ්‍ය වෙනව.(වින්ඩෝස් වලදි වගේ 2GB RAM 512MB VGA නෙමෙයි.512MB RAM,64MB VGA තිබුනාම ඇති.) Gnome desktop එකේ right click කරල change desktop background තෝරන්න.නැත්නම් System-->Preferences-->Appearence තොරන්න. දැන් Appearance Preferences කවුළුව ලැබේවි. මේකෙ visual effect tab එකට යන්න. එතනින් Extra කියන පහලම තියන option එක තෝරන්න.

දැන් ඔබ කවුළුවක් Title bar එකෙන් click කරගෙන සොලවන කොට දොදොලයක් වගේ සෙලවීමත් කවුළුවක් minimize හා maximize කරන කොට ඒ අමතු ආකාරය සෙලවීමත් දකින්න පුළුවන් වේවි. තව රෙද්ද උස්සා බැලීමත් දැන් ඔබට කරන්න පුළුවන්. ඒක කරන්නෙ මෙහෙමයි. mouse pointer එක දකුණු හෝ වම් පස පහල(main menu එක ඉහල ඇත්නම් ඉහල කෙලවරට) කෙලවරට ගෙන යන කොට ඒකෙ හැඩය වෙනස් වෙන තැනක් එනව.එතකොට drag කරගෙන mouse එක උඩට(හෝ පහලට) ගෙනියන්න. රෙද්දක් කොනකින අල්ලල ඉස්සුවහම වගේ යට තියන දේ කොනකින් දකින්න පුළුවන් වේවි. කව්ළුවේ ඉහල හෝ පහල මැදින අල්ලා drag කිරීමෙනුක් වෙනස් විදියකට මේක කරන්න පුළුවන්. ලස්සනයි නේද?

හරි සමහරුන්ට Ubuntu වල defalt එන icon එහෙම ලස්සන මදිනේ.මේ සයිට් එකකට ගිහින් icon theme කැමති එකක් බා ගන්න.
http://www.gnome-look.org/ , TechieSouls
ඔබට ලැබෙන්නෙ .tar.gz file එකක් ඒ කියන්නෙ හකුළුවන ලද ගොනුවක්. කලින් විදිහටම Appearance Preferences කවුළුවට ගිහින් ඒකෙ theme tab එකට යන්න.දැන් එතනින් install ගිහිල්ල අර බාගත්තු file එක තෝරන්න නැත්තම් ඒ file එක theme කවුළුව ඇතුලට drag කරල දැම්මත් හරි. අළුත් theme එක ඇතුලත් කරගන්නද කියල අහවි.

Apply new theme click කරන්න. දැන් එය ඔබේ icon,folder වල පෙනුම යන සියල්ල theme එකට අනුව වෙනස් කරාවි.මේ වෙනස් කිරීම save කර ගන්න ඕන නම් ඒ කවුළුවෙම save as තෝරල තමන් කැමති නමකින් save කරගන්න පුළුවනි.

Ubuntu වලට compiz ස්ථාපිත කරගන්නා හැටි සහ එහි effects ගැන ඊළඟ ලිපියෙන් බලාපොරොත්තු වන්න.